生炒骨

用鹽＋蛋＋生粉先醃一個鐘，再係炸之前撲上生粉。汁：茄汁、浙醋、糖各一湯匙，OK汁半湯匙，麻油少許，生粉半茶匙，鹽1/4茶匙，水2湯匙pre-heat 180度（3mins)，炸（10mins)，再轉200度（8mins) ，因為我今次啲一字排好大舊，如果細舊啲，就唔駛炸8分鐘。（要自已執生喇～～）

焗豬扒

用160度（9分鐘），再轉用200度焗5分鐘。
估唔到一塊豬扒會出咁鬼多油

只係簡單用白糖、生粉、豉油、水醃一陣，焗之前先加少許生粉撈勻。
preheat180度（3mins)，焗8-9mins。中途要反下。

今次係用焗，所以比較濕（冇抹乾豬扒），焗出黎非常淋身，好味。

法式芥茉春雞

材料：法國春雞一隻（巴西春雞都可以，但焗嘅時間要加長 ）
做法：
1.洗淨雞，抹乾，用鹽、白蘭地、芥茉醬醃過夜。
2.焗前兩小時拿出攤凍。
3.preheat 160度（3mins)，入爐前先把雞用抹手紙抹乾。焗10分鐘，反轉再焗8分鐘。轉用200度焗多8分鐘。
＊＊真係勁多肉汁，漏到成碟都係～～

燒春雞 / 蝦醬焗春雞 / 香草蘑菇春雞

pre-heat 160度（3mins)，放入雞再焗12mins，反轉再焗12mins。又再反轉改用200度（5mins)。留意要視乎隻雞厚唔厚肉，再加或減焗嘅時間。食落去非常多肉汁。我起初仲以為胸部會好嚡，點知係軟淋淋，好滑呀～～如果想燒雞顏色焗出黎深啲，可以係入爐前再加老抽搓勻全身。


______________________________________________________________

我仲用埋雞裡面嘅雜菜煮汁。

蝦醬焗春雞

材料：

甘荀絲毫 1隻 （細size)

洋蔥絲半個

紅酒 1/4杯

雞湯 1/2杯

醃料：

黑椒粉 1/2tsp

辣椒粉 1/8tsp

蒜粉 2tsp

百里香 1tsp

蝦醬 2大tsp

生抽 2tsp

鹽 1tsp

生油 1Tsp

做法：

1. 先把所有醃料撈勻，再搽在雞的內外，約三小時。

2. 把洋蔥絲和甘荀絲毫炒香，塞入雞的肚內，再用針拮實。

3. 用錫紙封雞的翼尖以防焗燶。

4. Airfryer preheat 180度（5mins)，焗約25mins。（中途要反轉）

汁的做法：

5. 把在雞肚內的洋蔥絲和甘荀絲拿出。

6. 用pan加少許油，把洋蔥絲和甘荀絲充份炒香，再加入紅酒，取後加入雞湯，煮成燒汁。最後把渣隔出。

心得：自己在最後幾分鐘要特別留意雞的表面，因好容易會焗燶。

___________________________________________________________

香草蘑菇春雞

蘑菇釀咗入雞內，焗好都唔會乾。

香草蘑菇春雞食譜：
材料：
香草大半湯匙 （我用Italian Seasoning)
鹽 約半湯匙
細罐裝蘑菇約半罐

做法：
1.洗淨春雞後，抹乾，把鹽均勻搽上雞的表面和入面。
2. 在表面加入香草，醃約3﹣4小時。
3. 蘑菇先炒香，再放進雞腔內。留意入爐前要先把雞抺乾，否則皮便不會脆。
4. Airfryer 160度preheat 3分鐘，放入雞（雞脾貼網底），焗12分鐘。把雞反轉， 用180度再焗約12﹣15分鐘。插支針入去冇血水即可拿出上碟。 

羊扒

我用咗160度（10mins），再改用200度（5mins)。不過對我黎講熟咗啲，不過對我兩個小朋友就啱啱好。又係好滑～～

炸三文魚骨腩

用200度（10mins)。我舊三文魚腩好厚肉呀，如果薄身就減時間喇～～我特登唔話比C6知我係用airfryer，佢完全分唔出係零油炸出黎～～成功～～佢已經對哩部機非常有興趣，仲話買得好抵

焗朱古力蛋糕

因為火力都幾強，所以我今次用咗180度(17mins)，不過覺得乾咗啲，下次用再試要減時間。

同焗爐比較，Airfryer焗嘅時間係短啲，我記得焗咗8分鐘已經有好勁嘅朱古力香味，至於質感，當然冇用焗爐咁好食，不過亦唔太差。我老公食完都話啲蛋糕幾好味。

食譜如下（可做5個）：（自已改過食譜）
62﹪黑朱古力磚 75G 
牛油 75G
雞蛋 1隻
糖 60G （但我減到29G，如果想比小朋友食，就加番多啲糖啦）
自發粉 40G
果仁 25G

做法：
1. 先用熱水坐熱朱古力＋牛油，攪勻。
2. pre-heat 180度
3. 把糖加入雞蛋用機一齊打勻。
4. 然後加入朱古力混合物，最後攪拌自發粉和果仁。
5. 把蛋糊倒入紙杯內。
6. 書寫焗20﹣22分鐘（但我覺得焗17mins已經太乾喇，所以焗到中途要拎出黎用針試下熟未）

牛油曲奇

材料：牛油 55g （放在室溫軟化）
幼沙糖40g 
蛋25g
plain flour 125g
做法：
1.蛋和糖先攪勻。
2.把牛油和plain flour混合，再加入（1) ，搓成粉糰。
3.用保鮮紙保好放入雪櫃15分鐘。
4.用棍壓約1cm厚，用模壓出喜歡的圖案。
5.preheat 180度（3mins)，焗10-12分鐘，（視乎厚度），想脆啲可以加時間。

用airfryer焗約11分鐘已經OK，焗爐要約18分鐘。兩款焗好都係一樣咁鬆化。

超鬆化牛油曲奇
材料： 
plain flour 150g
牛油160g
糖霜 40g (原本50g)
吉士粉 20g
泡打粉1tsp
雲呢嗱香油少許

做法：
1．牛油室放軟，另外把所有粉類材料撈勻再用篩篩好。
2．糖霜篩好備用。
3．把已放軟的牛油加入糖霜和雲呢嗱香油一起用打蛋機打至奶白色。
4．分幾次加入已篩好的粉類材炓，用低速攪勻。
5．用保鮮紙包好，輕輕搓成條型，包好放入雪櫃雪約20分鐘。（如果仲係好軟，要繼續雪）
6．oven preheat 180度(10mins)， airfryer preheat 180度（3mins)
7．拿出麵團切約1.5cm 厚(用airfryer要再簿身啲），可以用叉壓花。入爐焗15分鐘至金黃色（我屋企個爐要焗18分鐘），airfryer焗約11分鐘。（要自己睇實，小心容易會燶）
8．焗好之後，不要立即從焗盤拿出（因好容易碎），等約5分鐘後，才拿出放在架上，直至全涼後才放入密實盒內。

炸雞脾 / 蜂蜜捧捧雞腿

炸雞脾材料：
雞脾一隻
醃料：
白糖、生粉、生抽、老抽、蒜粉
做法：
1.洗淨雞脾抹乾，在雞脾背面介幾刀（要入啲，唔係好難熟）。
2.加入醃料，撈勻，最少醃一小時。
3.preheat 160度（3mins)，放入雞脾（皮向網底），炸20﹣25mins （中途反下隻脾），跟住可以用針銡下有冇血水出，冇的話可以轉用180度炸5﹣8mins (最好睇實隻脾，唔好炸到燶晒）。如果想脆啲，可以再加時間。

又係用最簡單調味：白糖、生粉、鼓油

今次隻雞腿比較粗壯，pre-heat 200度（3mins). 再焗（20mins)。（中途反咗一次）肉汁流晒出黎


五香雞脾
白糖、生粉、生抽、五香粉、薑汁酒、老抽（較色），少許油。
Preheat 180度（3mins)，焗15mins。 （留意，煙會比較多）

青芥茉醬配炸雞脾

青芥茉醬做法：

蛋黃醬3 Tsp
冰水 1 1/2 Tsp
青芥茉 約1 Tsp （鐘意辣啲可以加多啲青芥茉）

做法：先用冰水和蛋黃醬攪勻，再加入青芥茉。

_________________________________________________

蜂蜜捧捧雞腿

只係起骨麻煩少少，但完全唔難做㗎！

蜂蜜捧捧雞腿食譜 By Fung Gloria (BullBull自家廚房）

材料：

雞下腿五隻（我去佳X買，好鬼大隻，如果係細隻可以做到約10隻）

蜜糖 少許

醃料：

美極鮮醬油20g

蠔油 12g

味醂 15g

蒜泥 2tsp

Paprika powder 5g （如果唔加，雞腿焗出黎顏色冇咁靚，同埋冇咁香）

蜂蜜 15g

茄汁 10g

做法：

1. 先把雞腿洗淨，抹乾。用刀把雞腿的底部暫去，不要暫太短。用剪刀剪兩邊，用手或刀慢慢把雞肉推向雞腿的前端。

2. 加入醃料，最少醃三小時，可以過夜更入味。

3. 入爐前先用kitchen paper抹一抹多餘汁料，用錫紙包好雞腿的尾部。

4. Airfryer 用200度預熱3分鐘，放入雞腿烤20分鐘。最後三分鐘可以掃少許蜜糖。（用普通焗爐也可以，一樣200度焗，時間都係差不多，自己留意顏色）

＊熱食最好，非常惹味！！＊

南乳雞槌清了這個食材, 實在這味道不錯, 下次可以嘗試差
不多完成的時候噴上蜜糖應該會加香口。

材料：

雞槌 8 隻
南乳（大約是腐乳 size 2磚左右）
紹酒 一湯匙
糖 一湯匙
豉油小許
麻油小許
生粉小許
小小南乳汁
將雞翼解凍洗乾淨後，抹乾水份加醃料醃一晚。

醃料：

先將醃料攪勻備用。

Airfryer 180 度 15 分鐘即成。

P.S.: 可以用焗爐，如果兩樣都無可以煎焗。

茄汁豬扒 / 雞扒 / 脆皮雞扒 / 白汁炸雞扒

材料：豬扒兩大塊，洋蔥半個醃料：鹽1/4tsp
酒1tsp
生粉2tsp
水2Tsp

調味料： 鹽1/4tsp
糖 3.5tsp
雞粉 1/2tsp
茄汁約3Tsp


做法：1.豬扒洗淨抹乾，用刀背拍鬆。加入醃料待1-2小時。洋蔥切片。
2.入爐前先拍上生粉，記得必須拍下多餘生粉。
3.preheat 160度(3mins)，放入已上粉的豬扒，焗約10mins。轉用200度(5mins)，熟後取出。
4.加少許油爆香洋蔥，加入調味料快手攪勻，再加入水約3/4杯-1杯。留意不要一下子加入全部水，要一路加一路攪。試啱味可以放入豬扒煮滾，再加入少許生粉水打獻。 
＊＊＊因為屋企啱啱冇spring onion，所以冇加，其實加咗會香啲㗎～～
＊＊＊如果想撈飯，可以唔好加咁多生粉水～～

炸雞扒：
先用白糖、生粉、生抽、水醃雞扒（越耐越好）
入爐前撲上生粉，要大力練實，盡量見唔到粉就最好。
Airfryer preheat 180度（3mins)，加入雞扒（皮向下，中途再反）焗15mins。

日式炸雞粉

我用雞扒， 100g肉加10炸粉。
airfryer 180度preheat 後，炸15分鐘，食得～～

要完成半小時快餐最是預早一晚及早上做一點功夫, 預早一晚準備雞扒洗好醃好放冰箱, 第二天上因為要準備早餐關係, 可以把西蘭花浸洗好隔去水份放冰箱. 那麼晚上可以不用花時去浸洗菜類.

材料 : (二人份)

雞扒 一大件

紫洋蔥 半個 (可用普通洋蔥)

西蘭花 一個細

粗鹽 小許

汁料 : 喼汁一湯匙, 豉油小許, 糖小許, 生粉水小許

雞扒預早解凍, 洗乾淨, 用小許粗鹽搽雞皮及肉, 不過搽太多以免過咸, 放冰箱醃過夜.

紫洋蔥切絲備用.

西蘭花用滾水煮 5 分鐘左右備用.

將雞扒放入 Airfryer 160度 雞皮向上焗 12-13 分鐘, 反面焗 5 分鐘, 轉 180 戈度反面 2-3 分鐘讓雞皮變脆即可. 最出後不要馬上切開, 待 5-10 分鐘才切件.

起油鑊將洋蔥抄軟，大加入汁料煮滾後加入西蘭花拌勻後, 試味再加生粉水埋獻, 將汁料淋上雞扒即成. 

______________________________________________________________________________________

反正有已經凍的雞扒在冰箱, 來個快煮好了. 

今次做到有脆皮的效果, 有時隨意做會有意想不到的效果出來,

原本打算鹽加刁草掉進 Airfryer, 後來想一想雞皮會否軟軟的.

所以放 2-3 湯匙生粉上去, 馬上掉進 Airfryer. 估不到會有脆皮

的效果來.

材枓 :

雞扒 兩塊

生粉 2-3湯匙

調味 : 鹽, 刁草

先將雞扒洗乾淨, 用廚房紙印乾水份, Airfryer 預熱開 180度.

雞扒表面灑上鹽再拌勻, 再放上適量刁草.

放平雞扒將生粉直接放左雞扒上, 再用另一塊雞扒壓上印上

生粉, 如果不足夠生粉可再放多一點. 

上好生粉後將雞扒放進 Airfryer, 雞皮那面向上, 焗大家 10 分

鐘左右, 反面將雞扒向下, 轉 160 度再焗 5 分鐘, 之後將雞扒

再反面雞皮向上轉 180 度焗多 3-5 分鐘左右表皮變脆即可, 

取出放涼一點才將雞扒切開.

日式炒雞柳

做法好簡單
材料： 雞柳、洋蔥、日式調味汁（可在日式超市買到）
1.先用日式調味汁醃好雞柳 （我用趕時間只係醃咗三十分鐘），
2.洋蔥用白鑊炒至半熟（亦可以加少許油炒）
3.preheat 180度（3mins)，加入雞柳焗3mins，要拿出用筷子輕輕攪勻（免黏底）。再加預先炒好嘅洋蔥再焗多3﹣4mins。

台式炸排骨

材料：腩排連骨，地瓜粉
調味料：豉油2大匙
酒2大匙
糖1大匙
五香粉1大匙
蒜蓉1大匙
薑末少許

做法： 1.把所有調味料加入排骨攪勻，醃兩個鐘。
2.準備地瓜粉（雜貨店有售）
3.把肉撲上粉，要用力錬實，唔要見到啲白色粉。（如果仲有白色粉，炸起就會成口粉，唔好食）
4. preheat 160度（3mins)，放入排骨炸10mins （最好係炸幾分鐘後郁下啲肉，咁就唔會咁容易黐底），跟住轉大火180度炸3分鐘。
5.食得。

西檸軟雞

炸到個皮好脆，再淋上西檸汁，唔會變得過「林」。

同油炸比較，今次用airfryer炸出黎效果好好多。

我個工人姐姐完全係O晒嘴，唔信用airfryer可以炸成咁（事關佢次次都要開好多油去炸先有咁嘅效果），試食後讚不絕口。

西檸軟雞食譜

材料：

雞扒 兩塊

雞蛋 1隻

檸檬一個

雞肉調味料：

鹽 1/2 tsp

生抽 1/4tsp

胡椒粉 少許

吉士粉 1Tsp

玫瑰露酒 1/2Tsp

水 1又1/2Tsp

檸檬獻汁：

鮮檸汁 4Tsp

水 9Tsp

吉士粉 1/2Tsp

鹽 1/4tsp

糖 3大Tsp (是滿匙，不是平匙）

白醋 1/2Tsp

麻油 少許

生粉 1/4tsp

做法：

1.先把雞扒洗淨抹乾， 如果發覺雞扒的厚度不一，要用刀片起多餘部份（如果大家厚薄不一，炸出黎就會唔夠脆）

2.把所有雞肉調味料混合再加入雞扒肉拌勻及醃最少30分鐘。檸檬獻汁先拌勻，待用。

3.把醃好的雞扒加入雞蛋，拌透。

4.把雞扒撲上生粉。要特別留意，當撲上生粉後，必須要把多餘的粉拍出，再用手大力捽，令到所有生粉都黏實雞肉，見不到雞肉上有白色的生粉。

5.Airfryer preheat 160度（3mins)，把雞扒的皮面向網，炸10mins，最後的2mins反一下雞扒（不要過早反轉）。

跟著轉用200度炸6﹣8分鐘，可以用刀輕輕按下 雞皮，發現已經很脆便可以拿出。（因為要淋汁，所以我自己會炸得乾身少少）

6.把雞扒切好一件件，排列好。

7.用溫火把檸檬獻汁煮滾，留意要不停攪拌，及煮至微稠（會有點透明）。大家可以自行試味，如果不夠甜可以加糖。

8.趁熱淋上雞件。

磨菇焗薯仔

材料好簡單： 
1.美國薯仔三個（細size)切薄片
2.洋蔥1/8個切條
3.白磨菇四粒切片
4.雞蛋3隻 （大size蛋兩隻就夠）
5.鮮忌廉約40cc-50cc
6.Mozzarella芝士適量

做法：

1.薯仔洗淨後浸水30分鐘，抹乾加少許油（做法跟炸薯條一樣），用180度焗10分鐘中途要拿出搖下，焗好後拿出備用。
2.磨菇洗淨抹乾噴少許油上面用 200度焗3分鐘，拿出備用。
3.用少許油把洋蔥炒熟。把所有煮好的材料放進焗盤撈勻。
4.把打好的蛋加入少許鹽，再加入焗盤內攪勻，最後加入鮮忌廉及灑上Mozzarella芝士。
5. preheat160度（3mins)，入爐焗15﹣20mins （如果厚身啲就要增加時間，要自己執生喇～～），可以用匙輕輕撥開檢查蛋汁是否已凝固（不用全熟，約八至九成熟即可），最後轉200度（8﹣10mins)，見到金黃色全可以拿出。

＊＊大家煮個陣，最重要係留意番唔好用太多料，因為如果放太多落焗盤係好難熟。如果真係遇到面已熟，但心未熟，可以用刀輕輕撥開幾個小洞，用180度焗，直至見到已全熟就可以拿出。

另外個焗嘅方法： 可以唔放芝士住，等焗到差唔多熟，先再拎出黎灑上芝士粉焗至金黃色。

燒乳鴿

材料：新鮮 乳鴿兩隻 （冰鮮都可以）
浸鴿材料：
水10杯 
鹽4大湯匙
糖4大湯匙
八角10粒
薑五片（不要切太薄）切好拍扁
酒4湯匙
＊＊煲滾後可以試味，如果唔夠咸可以自己再加鹽。


上皮材料：
滾水半杯
蜜牙糖1大湯匙
大紅淅醋1湯匙
＊先把滾水和蜜牙糖混合，再加淅醋攪勻


做法：
1.把乳鴿洗淨（連內臟都要除去）。
2.浸鴿汁先煲滾，放入乳鴿煲半小時（必須肯定沒有血水流出），取出，並即時上皮。（冷卻後才上皮會影響乳鴿的脆度 ）
3.把乳鴿吊在通風地方吹至乾身。（約四至六小時）
4.preheat 180度（3mins)，放入乳鴿焗10分鐘，再反轉焗3-5分鐘。留意，為避免乳鴿的翼和腳會燒燶，請放入網之前先用鍚紙包著，便可以避免過份燒燶。
（另一個時間參考：preheat 200度，放入乳鴿焗10分鐘，中途5分鐘要反轉一次。）<-- 焗起colour會深啲

新鮮乳鴿可以去賣新鮮雞嘅地方搵到， 冰鮮就可以去凍肉舖買到。
一或兩隻甚至三隻都無問題，只要個煲夠放就OK。上皮汁你可以先上一隻，流出黎個啲汁就再上第二隻。留意上皮唔係叫你全隻乳鴿浸落去，而係用個鈎鈎住隻鴿嘅頸部，再用個殼「不」落去隻鴿嘅身，越「不」得多，就會越深色，好容易會炸到燶晒，所以見到顏色好均勻就要停。如果你諗住兩三日內會再整咁啲上皮＋浸鴿嘅汁可以用罐載起放入雪櫃內，等下次再用。

上星期去了冰肉舖買咗兩隻急冰乳鴿，其實我之前都係用開新鮮乳鴿，炸出黎皮脆肉嫩，今次想試下用冰鮮效果如何？

炸乳鴿做法同上次一樣，不過焗嘅時間有啲唔同。
今次兩隻鴿細隻，所以可以一次炸晒，唔駛分兩次。

preheat 200度（3mins)，炸15mins，如果想再深色啲可以加時間

炸出黎效果同上次一樣，不過因為係冰鮮，肉質當然冇新鮮咁正，但仍然係皮脆，只係冇咁juicy。

炸冬甩 Doughnut

因為係用機打，所以好快就打好個麵糰。就咁按下，都幾軟熟。發酵用咗成個半鐘呀（鬼咩，個食譜只係加好少yeast，所以咪要等好耐囉，下次我自己會加多少少yeast)

用咗150度6分鐘就焗好 ，但我覺得有少少乾，下次用5分鐘應該OK，我自己加咗糖、朱古力做topping，味道唔錯。

冬甩（甜甜圈）：

材料：
高筋粉110g
低筋粉45g
雞蛋30g(約半隻）
清水56g
鹽1/4tsp
快速酵母 1/2+1/4tsp
糖20g
奶粉1Tsp
無鹽牛油18g

做法：
1.把所有材料混合，用廚師機打至軟身。（用手搓也可以）
2.把麵糰放在碗內用保鮮紙包好，發酵至2倍大。
3.發好後拿出，將麵糰滾圓，醒（靜待）約15分鐘。
3.在台面撒粉，把面糰檊成約4mm厚度。用冬甩圓模壓下圓型。
4.把麵糰放在墊子上進行第二次發酵。
5.airfryer preheat 150度（3mins)，放入焗5mins，取出。
6.加上自已喜愛的toppings。

燒肉

我用咗大力燒嘅醃法。
preheat 160度（3mins），焗20mins，轉用200度（10mins)。

今次揀次買咗大舊啲，咁就可以切成正方型，比長方型好味好多㗎。今次同先前唔同，就係我買到個針插，插到舊肉體無完膚，同埋醃料只係用准鹽，方便快捷～～做法：
1.洗淨，抹乾，再在底部介幾刀（容易入味，但不要介咁深）
2.用准鹽醃一晚（可在超市買到）
3.焗前最少要放在室溫一小時。
4.用針插插皮，越密越好，（我插到手都軟呀～～）
5.先用粗鹽放在燒肉面，
6.preheat 180度（3mins)，焗25mins（舊肉大啲可以再加時間）
7.拿走粗鹽，再焗20mins。
8.轉用200度爆皮，約15分鐘。（覺得唔夠再加時間）

如果諗住一次過焗兩舊，第二轉就唔好焗咁耐，好容易會燶。

1）腩肉洗淨後抺乾水
2）返轉肉向上， 依次在肉的部份搽上紹酒、白胡椒粉、五香粉、鹽
3）返轉皮向上 （不用蓋保鮮紙）放入雪櫃雪 12 小時
4）取出在皮上用肉針刺洞， 不要刺到油脂層
5）包鍚紙呈“兜”形， 皮向上露出。
6）在皮面搽上白醋
7）鋪上海鹽至完全覆蓋皮面
8）airfryer 180 度預熱 3 分鐘
9）入爐 20 分鐘 （因為本人的是腩條， 所以時間較短。
10）取出去掉海鹽及鍚紙
11）再入爐 15 分鐘
12）再轉 200 度 5 ﹣ 10 分鐘或至皮爆脆面。

芝士白汁焗扇貝

芝士汁：慢火把牛油溶化，離火加入麵粉，攪至乾身（即無乜水份）。開火交替加入鮮奶和雞湯，攪至沒有粒粒，可加少許鹽調味。
做法：1.扇貝洗淨，用滾水拖一拖，隔水抹乾放回殼內。
2.把芝士汁放在扇貝上，再灑上芝士粉。
preheat 200度（3mins)，放入扇貝焗6mins至金黃色。最後灑上芫茜粉即成。
＊＊留意芝士汁不可以攪得太稀，杰少少加在扇貝上會更可口。

椒鹽排骨

今次醃嘅材料比較多～～排骨八両
五香粉 半茶匙
雞蛋半隻
玫瑰露酒二茶匙
鹽3/4茶匙
食粉1/3茶匙
糖1/2茶匙
做法；
先把所有調味加入排骨撈勻， 再加入生粉3茶匙，水約半湯匙拌勻，醃得越耐越好。
pre-heat 180度(5mins)，放入排骨炸8mins(如果大舊啲就要多1-2mins)，轉用200度（3mins)，如果見唔夠色可以加多1-2mins。
炸好之後，取出。
再爆香蒜蓉和辣椒絲（我冇加辣椒絲，因為有阿仔唔食辣），倒入排骨，兜兩兜上碟食得～～
＊＊如果想唔黏網底，可用以下方法：
把排骨先放在鍚紙上，炸約2﹣3分鐘，再拿出鍚紙。咁樣做，所有骨只會黏晒係鍚紙，個網係完全冇黏㗎

炸蕃薯片

做法：蕃薯洗淨切片，浸水30mins，抹乾。
用160度（15mins)直至見到差不多乾＋脆就停機。
＊＊蕃薯片入爐前先噴少許油，再撈勻。

炸新鮮薯條

新鮮薯條，切條（好似M記薯條size)，
浸水最少30分鐘。
放入雪櫃雪幾個鐘（我因為有野做，所以冇即時炸），拿出加1/2tsp油撈勻。
用180度炸（18mins)，中途shake兩至三次。
食前灑少許鹽。