由於我地訂機票個時只係諗住慳錢...所以連寄倉行李都只係訂左一件
而每人可以帶一件Hand Carry行李上機 (回程個個都幾袋野咁上機..無人罰錢)
係機場Peach櫃位前有個裝置可以睇下你合唔合標準...
樂桃櫃位係2號客運大樓P行, 夜媽媽...個機場好少人, 好快就Check In左
Check In後又要坐小火車番去Terminal 1...我地都係第一次答...
臨上機前勁肚餓...去Starbucks飲左個抹茶牛奶同豬肉酥...
雖然Peach既機都係有野食既, 不過全部都要比錢, 連水都要
http://www.flypeach.com/tw/home.aspx
咁因為佢係廉航嘅關係，所以價錢就比較國泰平，同埋冇日數嘅限制(如果大家有留意，PACKAGE嘅機票好多時係MINIMUM STAY兩日同埋最多七日)
亦因為佢係廉航嘅關係，飛機上係乜到要$，毛巾都要買架..食嘅飲嘅就更加啦....
寄倉行李都要嘅...佢有一隻價錢叫HAPPY PEACH PLUS就可以包寄倉行李同埋可以改日子嘅價位...亦可以指定坐位...
不過如果要坐有加長位嘅話就要再加128蚊.....我就強烈建議大家加，因為可以感受一下所謂國泰PREMIUM ECON係咩料子...
但係坐國泰就要加60%嘅票價...呢度百三蚊....其實都幾抵..
咁樂桃用嘅機係A320(即係兩邊每邊三庭位果隻)，聽講仲要係國產....
咁我就坐第一日行嘅加長位..對幾舒服架坐得.....
空姐姐姐係全部起用日本人.......
空姐好搞笑地幫我地绑個袋喺位.....袋呀袋你都有得坐.....
可能係坐得舒服嘅關係，我地都訓左個幾鐘好準時(五點半)去到關西空港....
OVERALL我都覺得係可以嘅，除左一貫A320有少少唔夠定，同埋冇機上娛樂之外，其實都還可以。
上到機...可以見識到呢種廉價航空, 好多人都話好逼. 不過我地夠瘦..其實都ok...
不過椅背好直身...伸腳都伸唔到...
機上既野係要比日元既, 原本我地無諗過會買野食...
不過呢架機竟然開行晒個暖氣, 好焗, 好乾.....令我地不得不比150 Yen買左支迷你水...
不過我覺得呢個係日本人既問題...因為我地住既日本酒店d空氣全部都係咁
買水都會送零食~算係咁啦
不過有樣野唔買唔得, 就係Peach 獨有既南海電鐵折扣卷
原價890 Yen既南海電鐵空港 -> 難波, 只要係機上面就可以用800 Yen買到
比左錢...空姐只係會比張收據我...好唔實在...不過證實係Work既
只要拿住張野去南海電鐵Counter, 職員就會比兩張真正既車飛
好不容易..終於捱到落機~呢個時候重係夜媽媽....可以睇到職員點樣丟我地d行李入大箱
完成過境手續~黎到呢個Peach專用既關西Terminal 2客運大樓~
裝修真係好簡約~不過廉價得黎都有幾間商舖, 應有既基本都有
但係大家點都係要番去Terminal 1先會有交通公具出市區...
Terminal 2外面就會有接駁巴士喇~基本上唔需要怕搵唔到...
但係我地感受到1月既日本真係好凍好凍....
出到戶外真係叫晒救命...係無咩訓到既情況下~今日我地將會進行非常緊密而充實既行程~~YO HOOOO!!
乘搭樂桃的溫馨小貼示：
1. 航機不包飛機餐，上機前要食野，始終搭三四小時機，唔食野捱唔住。飛機有食物售賣，價錢亦不算太昂貴，但個人不太喜歡食飛機餐，所以都係登機前醫肚。 樂桃是二號客運大樓登機，加上去時已十一點多，機場大部分食肆都己經關門，建議去機場前進食。
2. 寄艙行李需額外收費，除了隨身包包外，可帶一件手提行李上機，但有尺寸規定，要特別注意。日本回程檢查行李嚴謹，帶上機行李不重於10KG，手提行李和隨身包包是一齊過磅，唔係單獨咁計，不小心就會中伏了。
3. 日本的樂桃亦是二號客機大樓登機，那邊沒有一號大樓咁多商店逛，只有兩間食店和7-11，不要想預時間去機場作最後血拼，你會失望。
樂桃櫃位不會開 得太早，所以不要太早到機場，好難打發時間。
出左機場要搭穿梭巴士返一號客運大廈，搭南海電鐵去大阪。
乘搭南海電鐵的溫馨小貼示：
好多人都會在機場櫃位買大阪周遊券，分一日券和兩日券，包全日搭地鐵和大部份景點入場費。
對於第一次去日本的旅客確實十分划算，但是注意不包機場去難波的車資，要額外買車票。
由於不是第一次去大阪，所以去了南海電鐵櫃位買大阪周遊券南海擴大版(2300円)，包埋機場去難波的車費(890円)，擴大版比普通版貴300円，不過只有一日券，沒有兩日券。適合只在大阪遊覽一日的旅客。
如果唔買擴大版，而你又係搭樂桃，可以係飛機買由機場去難波車票，有優惠(800円)
買大阪周遊券南海擴大阪櫃位，在機場過天橋即達。
不要遺失車票，參觀景點需出示車票和入場券。
南海電鐵去難波普通和急行車資一樣，最好搭急行(大概45分鐘到)，普通要好耐先到。
