羊架

今日預先醃好咗羊架，準備明日焗

先用 160度焗20分鐘（如果想再熟啲就加時間），再轉用180度焗多10分鐘至表面金黃色。

材料：

羊架（8支骨）

醃料：

鹽1tsp

黃芥茉25g

蒜蓉2tsp

乾蔥頭1粒（切圈）

迷迭香2tsp

黑椒碎2tsp

蜜糖1Tsp

木糠碎：

麵包糠60g

橄欖油20g

蕃茜碎1tsp

迷迭香1tsp

黃芥茉2Tsp

蜜糖1tsp

做法：

1.洗淨羊架，加入醃料醃過夜。

2.焗之前兩小時由雪櫃取出。

3.入爐前把所有醃料抹走。

4.Airfryer preheat160度（3mins），放入羊架焗20mins（想熟啲再加時間）。

5.先把黃芥茉和蜜糖塗於羊架面，再舖上木糠碎。改用180度焗多10mins至金黃色即成。

白汁磨菇吞拿魚焗長通粉 / 肉醬煙鴨胸意粉

1.通粉煲熟後加少許橄欖油，放入焗盤內備用。
2.磨菇切片炒香，吞拿魚壓碎，平均放在通粉上，加入白汁，再灑上芝士。
3.Prepare airfryer 200度（3mins)，放入通粉，焗約3﹣4mins， 留意有少許色可以拿出再放入麵包糠粉，再焗多2﹣3mins， 至金黃色即成。

白汁做法：
牛油 20g
麵粉 20g
凍鮮奶 250ml

1.用慢火溶牛油，再加入麵粉攪勻。必須要繼續用慢火煲一陣，否則白汁做好會有粉味。
2.熄火加入鮮奶，再攪勻。再開中慢火煲至少許杰身便可以用。

麵包糠粉：
麵包糠約2湯匙
芫茜粉少許
橄欖油少許
蒜蓉1茶匙
全部材料攪勻，再灑在芝士上，焗起會有啲脆口


肉醬煙鴨胸意粉

做法好簡單：
step1: 預備好意粉
step2: 預備肉醬（我懶呀，買咗現成金寶茄蕃醬再加肉碎）
step3: 先加一層肉醬在意大利粉上
step4: 煙鴨胸先用airfryer（preheat 3mins) 180度，焗約8-10分鐘（自己留意外皮有冇燶），切片，平均放在意粉上。

step5: Airfryer 200度（preheat 3mins)，放入已鋪上芝士嘅意粉，焗約10mins （見到面有金黃就OK）
step6: 焗好再加些香草碎上面，食得～～

芝士白汁龍利柳

魚洗淨之後，用鹽、胡椒粉、酒醃片刻。再分別撲上蛋和生粉。（左上角圖）

preheat 200度（3mins)，焗6mins。（唔需要全熟，因稍後要加白汁再焗）。（右圖）

白汁跟上次扇貝一樣做法，杰度如左下圖。

把魚放在貝殼上加上白汁和芝士粉再焗5mins至金黃色。

哩個餸好啱小朋友食，魚好滑而且又冇骨，又有芝士係面，飯都食咗兩碗㗎～～
＊＊如果冇貝殼，可以將魚平放在線鍚紙上，再舖上白汁和芝士。

香草青衣柳 / 龍脷柳

做法簡單：
1.青衣柳用鹽、胡椒粉醃10分。
2.入爐前灑上香草(Dill)和牛油，用錫紙包住。
3.Airfryer preheat (3 mins)，放入魚焗 10-12mins （視乎魚的厚度）。

留意當見到錫紙已經焗到漲起，即表示魚差不多熟。

燒豬頸肉

先用玫瑰露酒醃豬頸肉，再加李X記叉燒醬和生抽，醃三小時。

preheat 200度（3mins)，放入豬頸肉焗15mins。（不用反）

不過唔係次次要焗15mins，我今日再焗塊細嘅，只需要10mins已OK。

茄汁腸仔

茄汁腸仔
腸仔切片，放入焗盤內。
汁：茄汁 2T
糖1T
水 5T
生粉1/2tsp

做法：
1. Airfryer preheat 200度（3mins)，放入腸仔焗5分鐘。
2. 取出焗盤，加入汁攪勻，再焗3mins。（如果太杰可以加水，太甜就減糖，自己執生）

焗腸仔包

之前已經試過用airfryer焗，160度preheat (3mins)，再焗7分鐘食得～～

焗熱狗

先用airfryer180度焗包包5mins（留意:冇preheat)，跟住4分鐘焗香腸（用刀介幾下易熟啲）。

蔥油餅

左邊係用pan煎，右邊係airfryer焗，兩種方法都好味。
preheat: 200度(3mins)，焗約7分鐘。（視乎脆度）

心太軟

心太軟食譜：

材料：

朱古力 100g

糖50g

無糖朱古力粉 1tsp

蛋 1隻半 （中型size）

無鹽牛油 95g

麵粉 50g

做法：

1.把牛油座溶（可用微波爐，但分幾次）

2.朱古力要用熱水座溶，不可以直接用煲煮，會燶。

3.把牛油加入朱古力攪勻，備用。

4.把糖加入雞蛋，用打蛋機打至奶黃色。

5.分幾次把朱古力混合物加入蛋醬內，輕輕攪勻。

6.麵粉和無糖朱古力粉一起篩好後，分幾次加入（5）內，輕力攪至均勻。

7.準備焗模（我在十二蚊店買），塗上牛油。

8.Airfryerpreheat 180度 （3mins）。

9.把朱古力醬倒入焗模約7﹣8成滿。

10.焗7﹣8分鐘，如果想焗得硬身（少朱古力醬），可以再焗多1﹣2分鐘。

11.焗好立即倒出，蛋糕面上灑少許糖霜。

焗咗成35分鐘先焗起，等到找頸都長埋......
似終都係蛋糕粉，冇我地平時用機打咁鬆軟，不過食落都幾好味，如果有jm屋企冇焗爐，可以用airfryer都焗到蛋糕喎～～

梳乎厘 / 朱古力梳乎厘

今次用咗簡易食譜內的份量做，都OK㗎～～食譜Pls click --> 原味梳乎厘食譜
http://www.christinesrecipes.com/2008/07/souffl.html

Airfryer preheat 200度（3mins)， 放入梳乎厘焗8分鐘。

朱古力梳乎厘

材料：

蛋黃醬：

雞蛋黃1個

牛奶90ml

plain flour 15g

無糖可可粉5g

無監牛油10g

蛋白霜：

蛋白1個

糖25g

做法：

1.先把無糖可可粉和plain flour一起篩勻，備用。

2.先把牛油和糖塗入焗杯內，再灑上糖。

3.把牛奶用溫火加熱。

4.蛋黃拂勻後，加入牛奶內，用人手攪勻。

5.加入已篩好的可可粉和plain flour，輕輕力攪勻。

6.開小火，加熱粉漿，要一路攪住。（留意，這一步很重要，一不小心便會過熱，令到粉漿變成固體）

7.直至見到有螺旋紋就可以停。

8.最後加入無糖牛油。

Preheat Airfryer 180度（3mins)

9.先打蛋白，分兩次落糖。打到見到蛋白在打拂器出現尖而挺。

10.先取出少許約1/3的蛋白霜混合蛋黃醬，（切記要細力攪）。

11.把全部蛋黃霜加入餘下的蛋白霜內，以一個方向輕力攪勻。

12.倒入焗杯內約七至八成滿。

13.放入airfryer內焗約7﹣8分鐘。

14.拿出灑上糖霜。

15.趁熱食～～

焗紙杯蛋糕

airfryer preheat 180度（3mins)， 焗10mins，之後改160度焗10mins, 一共用了20分鐘就焗好。


因為第一次用airfryer焗紙杯蛋糕，所以只係試焗兩個，其餘就用普通焗爐。
焗出黎效果差唔多，不過airfryer 用咗時間短過用焗爐。

http://www.christinesrecipes.com/2008/07/cake-wrapped-in-paper.html

preheat後，先用了180度焗5mins，但又怕會面燶但心唔熟，所以改了160度再焗多15mins（大約咗，因為冇記低時間，但可以插枝針入去試下有冇粉漿黏實，冇即OK）

芝士汁磨菇西蘭花

其實做法可以參考番airfryer part I P.38（芝士白汁焗扇貝），只係西蘭花要先焯熟，磨菇我就用罐頭（用新鮮都可以），切粒（不要太細粒），先放入airfryer用 180度（7mins)，取出。
將西蘭花和磨菇放入焗盤內，加入白汁和芝士，用200度（5mins)，焗至金黃色就OK。

燒鵝肝

做法：
鵝肝切約1cm厚。
1.先在鵝肝灑上少許鹽，再撲上生粉。
2.preheat 180度（3mins),放入鵝肝， 燒5分鐘， 中途可以反一次（要小心好容易碎）。
3.轉用200度（3mins)，令表面再金黃色。如唔夠色再加多一至兩分鐘。

麥樂雞

15 mins (包預熱)

魚柳包

其實這個包工序不多, 只是起床後將魚柳放入免油氣炸鍋加熱就可以, 將材料夾好, 再放入免油氣炸鍋內不用開機, 利用餘溫烘熱包包已經好好味。

之前想找正方型的魚柳, 不過行了幾家凍肉店都長條及柱體, 星期六找到這款長條型又扁身，不過係梯形，一開二後變左一塊大一塊細, 看上去應該可以, 買了一包試一下。

材料 :

包包部份  (食譜來源 ； Easy Clean Company)

高筋麵粉 200g
糖 20g
鹽 3g
奶粉 5g
蛋 10g
水 110g
酵母 3G
牛油10g

將所有材料(除牛油外) 搓成粗麵團後, 再加入牛油, 搓至麵團有薄膜出現即可進行第一次發酵。
完成第一次發酵後, 將麵團排氣後分成四, 鬆弛 10-15 分鐘後, 將麵團滾圓後壓扁再進行第二次發酵至 1.5 倍大. 放入已預熱焗爐 180度焗 15 分鐘 (原食譜為 10 分鐘). 即成.

炸魚柳部份

炸魚柳一條不用解凍, 直接放入免油氣炸鍋, 180 度 12-3 分鐘即可.

Mini Pizza

試一下這個小圓鑄鐵平底鍋可否入 Airfryer, 噢!! 可以夠位放, 如果放在藍子也可以, 不過太貼邊, 完成後什麼那出來?? 還是不用藍子好了。

今次斷估份量做了一個 Mini Pizza, 原本幻想是街買到的那種麵包 Pizza, 但是做的時候一點糖也沒有放所以還是一個 Pizza 底。

材料 :

高筋麵粉 3 湯匙

鹽 1/8 茶匙

酵母 1/4 茶匙

水 <<< 這個我真的沒有量過多小

腸仔 切片

煙肉 小量切碎

芝士碎 適量

將高筋麵粉、鹽和酵母放入碗中逐小加水用筷子攪勻, 加小小水攪4-6次, 直到成團有小小痴手後, 改用手搓, 如感覺太痴手加小許粉, 搓幾分鐘後表面光滑即可放回碗中。

由於天氣涼, 所以利用電飯煲翻熱功能大約 2-3 分鐘打開飯煲伸手感受一下溫度, 覺得有微暖即可不要太熱否則會把麵團熱熟, 放份碗關蓋待 30 分鐘後, 見麵團發大後用手指在中間位篤一下, 沒有回彈即可。

取出麵團後輕壓扁麵團, 鬆弛 10-15 分鐘後, 再麵團壓至鍋子大小放入, 留意近邊位要用手指壓出邊位。

在 Pizza 表面放餡料位搽小許油, 再加蕃茄醬或千島沙律牆, 加入餡料後表面加上芝士碎。

放入預熱 Airfryer 180 度 15 分鐘。

P.S. 如果可以先燒熱鑄鐵平底鍋再放 Pizza 底部會更脆.

鬆餅

材材：四個份量

低筋麵粉 100g
泡打粉 1 茶匙
糖 1 湯匙
鹽小許
牛油 50g (不需要回室溫，從雪櫃直接取出使用）
鮮奶 40ml

先將粉類發糖鹽混合，用手拌勻最後加入鮮奶，用保鮮紙包奶放雪櫃 30 分鐘。
取出用壓平再分 3-4 份疊起壓至厚度約 1 寸厚，用圓壓模或薄身玻璃水杯沾上一點粉壓出圓型即可，表面搽上鮮奶。
放入預熱 140 度 Airfryer 10分鐘，轉 160 度 7 分鐘，轉 180 度 3 分鐘即可。

P.S. 如用焗爐 180-190 焗 20 分鐘即可.

薯條

半包薯條，就拎黎試吓機。200度12分鐘就攪掂，好脆呀～～

焗燒賣

用180度焗 約10分鐘，見到啲燒賣變得肥嘟嘟就OK。

可以加上淮鹽或加茄汁食都好正～～

雞翼

雞翼1磅 （去超市買一包剛好磅）

醃料：

孜然粉1Tsp

五香粉1/2Tsp

小茴香粉1/2Tsp

炒香黑芝麻約1Tsp

淮鹽1/2tsp

魚露1 1/2Tsp

酒1Tsp

麻油1tsp

粗粒黑胡椒碎1/4tsp

辣椒粉2-3tsp （視乎你食唔食得辣，唔加又唔得喎）

做法：

1.洗淨雞翼，抹乾。

2.先把所有醃料攪勻，再加入雞翼內。最好醃過夜。

3.雞翼炸之前兩小時從雪櫃內拿出。

4. Airfryer preheat 180度（3mins)，放入雞翼炸15mins (不用反）。

___________________________________________________________________

只係簡簡單用咗鹽同生粉去炸雞翼。

preheat 200度3mins，抹乾雞翼後，用鹽醃好。臨入爐之前撲上生粉（記得要練實啲粉，見唔到白色），焗20分鐘即成。留意番 我啲雞翼係jumbo size，要焗耐啲，如果細隻啲，可以減時間。

____________________________________________________________

簡易焗雞翼

只需用史X生雞汁＋老抽醃雞翼最少三個鐘。

Airfryer 180度 preheat （3mins)，放入雞翼焗15mins。
________________________________________________________

孜然粉以前已經買回家收起後完全忘記了。今次再次見到食譜提醒了我要試做這菜式。

預早醃好放工回家放仕免油炸鍋，快靚正就有得食，味道唔錯。

材料 :
雞中翼 10 隻
黑芝麻 1 茶匙
蒜茸薑茸各 2 茶匙

醃料：
鹽 半茶匙
糖 半茶匙
生抽 2茶匙
老抽 1 茶匙
胡椒粉 少許
孜然粉 1-1/3湯匙
生粉 2 茶匙
紹酒 1 茶匙

做法：
雞翼洗淨抹乾，蒜頭及薑切茸, 加入醃料及餘下材料拌勻醃半小時或以上 (今次醃過夜), 再加入黑芝麻。
Airfryer 180 度, 焗 15 分鐘。

雞翼只係簡簡單單加生粉、生抽、糖醃，180度15分鐘食得。

沙薑雞翼

將雞翼放雪櫃普通格解凍, 今早洗乾淨後用廚紙吸引水份後, 加入醃料醃至放工回家, 上一上粉可以用短時間做個炸雞翼.

材料 :
雞翼  12 隻
麵粉小許

醃料 :
沙薑粉 小許
鹽 小許
糖 小許
紹興酒小許
生炒小許

先將雞翼解凍洗乾淨, 吸乾水份後加入醃料, 醃數小時或過夜更佳.
放入 Airfryer 180 度 12-15 分鐘, 最後幾分鐘反面.

秋多魚 / 多春魚

洗淨抹乾。用粗鹽＋紹酒（用其他酒都OK）醃片刻。pre-heat 200度（3mins)，燒 10mins，反轉再燒8mins。
食前把檸汁滴上面仲正呀～～

多春魚唔駛醃，但放入炸鍋時要抺得乾身，咁就冇咁黏底。

迷你菇

迷你菇可以去超市買到。
洗淨後用紙抹乾，放在網兜內噴少許油。用 200度（4-5mins)。上碟可以灑少許鹽。

焗生蠔 / 日式吉列炸生蠔

焗生蠔： 急凍生蠔八隻
做法：先洗淨生蠔，出水。抹乾後加入鹽、胡椒粉、紹酒、生粉各少許撈勻。
preheat 200度（3mins)，焗7分鐘。（中途可以用筷子攪一攪）

日式吉列炸生蠔

用鹽＋胡椒粉醃，再先後撲上麵粉、蛋、麵包糠，再噴少許油，200度7-9分鐘（中途反一反）

炸魷魚圈

不過我做完之後，發覺得兩點要改善。第一用嘅麵包條千萬唔好粗，最好同魷魚差唔多粗，我因為太厚，所以好乾呀，好似只係食緊炸麵包咁樣 。
第二醃魷魚可以加多少少鹽，因為麵包糠係冇味，如果入面舊魷魚都唔夠味，咁就唔多好食。（我醃得個十幾分鐘，攪到要點沙律醬先有味）

材料：
魷魚一條 （好貴呀，買得個一隻細細隻都要成＄18
麵包一至兩塊
麵枌
雞蛋
麵包糠
做法：
1魷魚洗淨切成環狀，用鹽各胡椒粉醃最少一小時。
2.把麵包切成條狀，再包住魷魚（可以用手練實麵包）。
3.再依次序撲上麵粉、蛋、麵包糠。
4.因為我今次太厚所以用咗180度（9mins)，如果大家下次整冇咁厚試下用6分鐘睇下得唔得。 入爐前先噴多少少油（冇油實在太乾唔好食）。中途反轉再在另一邊噴油。

今次唔算太成功，仲要繼續改良一下～～

雞軟骨

先用鹽、酒、pepper醃一小時，炸前加少許老抽較色並加上生粉撈勻（約3大匙，總知要每粒雞軟骨好似黏有粉醬)。（留意我唔係撲粉係面，而係加粉撈勻)。用 200度（5mins），取出搖一搖，再炸（3-4mins)。真係脆咯咯，連我個女之前唔鐘意食都忍唔住不停咁食呀～～
雞軟骨可以係凍肉店有得賣（好似某啲大間超市都會有得賣）

四季豆

四季豆洗乾淨用少少油攪勻，用200度（6分鐘），食得～～ （最好中途可以戥一戥，等啲四季豆受熱平均啲）想食得脆口乾身啲，可以自己再加時間！！

鹽燒三文魚頭

先吸乾水,加燒酒同鹽"yip"最小半個鍾,200度preheat 5mins,每邊fry 12 mins,視乎自己愛好,可加可減數mins.

提提大家，燒前再抹乾d水，記住先用錫紙放於網面，先燒見倒肉個邊，之後取走錫紙及燒有皮個邊，如果覺得唔夠香，可再燒多3-5 mins. 之前post果張相，再燒乾身d，所以fry多5mins，好正! 

之前都曾經做過嘅鹽燒三文魚頭，今次因為細個啲，所以時間唔同咗。

先用酒(屋企得番紹酒，所以就用咗）、日本海鹽（冇可以用普通鹽）醃片刻。入爐前可以先用隔油紙索乾。
做法：Pre-heat 200度（3mins)，魚頭面向網，防止黏底可以放張牛油紙（baking paper)，先焗約4mins，就可以拿出張牛油紙，再繼續燒8mins。反轉（此時魚頭面向番發熱線）再焗8mins，見到啲皮變金黃，啲油彈得好勁即表示熄火食得～～

煨蕃薯

用150度（28mins），好軟好甜呀～～