炸魷魚圈

不過我做完之後，發覺得兩點要改善。第一用嘅麵包條千萬唔好粗，最好同魷魚差唔多粗，我因為太厚，所以好乾呀，好似只係食緊炸麵包咁樣 。
第二醃魷魚可以加多少少鹽，因為麵包糠係冇味，如果入面舊魷魚都唔夠味，咁就唔多好食。（我醃得個十幾分鐘，攪到要點沙律醬先有味）

材料：
魷魚一條 （好貴呀，買得個一隻細細隻都要成＄18
麵包一至兩塊
麵枌
雞蛋
麵包糠
做法：
1魷魚洗淨切成環狀，用鹽各胡椒粉醃最少一小時。
2.把麵包切成條狀，再包住魷魚（可以用手練實麵包）。
3.再依次序撲上麵粉、蛋、麵包糠。
4.因為我今次太厚所以用咗180度（9mins)，如果大家下次整冇咁厚試下用6分鐘睇下得唔得。 入爐前先噴多少少油（冇油實在太乾唔好食）。中途反轉再在另一邊噴油。

今次唔算太成功，仲要繼續改良一下～～